बालकामगार निर्मूलनासाठी नेटवर्क स्थापन

अकोला जिल्हा समन्वयक म्हणून तुषार हांडे यांची निवड

वऱ्हाडवृत्त डिजिटल डेस्क

अकोला : अमरावती येथे नुकतीच पार पडलेल्या महाराष्ट्रांत बालकामगार विषयावर काम करणाऱ्या स्वयंसेवी संस्थांचा बालमजुरी निर्मुलन करण्यासाठी राज्य स्थरीय परिसंवादाचे आयोजन करण्यात आले होते. माजी मंत्री आमदार बच्चूभाऊ कडू यांनी या परिषदेचे उद्घाटन केले. तेलंगणा मध्ये बालमजुरी विरोधात काम करणाऱ्या एम. व्ही. फाउंडेशन चे व्यंकट रेड्डी परिसंवाद मध्ये प्रमुख पाहुणे म्हणून उपस्थित होते. अपेक्षा होमिओ सोसायटी चे डॉ. मधुकर गुंबळे यांनी या बैठकीचे नियोजन केले. या परिसंवाद मध्ये १२ जिल्ह्यातील ५५ स्वयंसेवी संस्था एकत्र येऊन बालकामगार निर्मुलन करण्यासाठी राज्यस्थरीय नेटवर्क स्थापन केले. प्रत्येक जिल्ह्यात या नेटवर्क च्या शाखा स्थापन करण्यात येणार असून बालमजुरी , शाळा बाह्य मुले व बाल विवाहवर काम केले जाणार आहे. या वेळी १२ जिल्ह्यातील समन्वयकांची निवड करण्यात आली. यात अकोला जिल्ह्याचे समन्वयक म्हणून तुषार हांडे यांची निवड करण्यात आली असून राज्य निमंत्रक म्हणून डॉ. मधुकर गुंबळे यांची निवड झाली. नेटवर्क च्या माध्यमातून शासनाने २० पेक्षा कमी पटसंख्येच्या शाळा बंद करण्याचा निर्णय संदर्भात आवाज उठविणे, बाल कामगार प्रकल्प पुन्हा कार्यान्वित करणे किंवा पर्यायी व्यवस्था निर्माण करण्या संदर्भात मागणी करणे. बाल कामगारांच्या शासकीय आकडेवारीतील तफावत या साठी कायदेशीर मार्गाने लढा देणे, ऊसतोड कामगाराच्या पाल्यासाठी स्व. गोपीनाथ मुंडे ऊसतोड कामगार महामंडळाच्या माध्यमातून संत भगवानबाबा निवासी वसतिगृह योजना अंमलबजावणी परिणामकारक करण्यासाठी आवाज उठविणे या बाबत ठराव झाले. या परिषदेत आमदार बच्चू कडु, व्यंकट रेड्डी, जेष्ठ कार्यकर्ते हेरंब कुळकर्णी, सूर्यकांत कुलकर्णी, हेमांगी जोशी, दिनानाथ वाघमारे, डॉ. किशोर मोघे यांनी बालकामगार निर्मुलन नेटवर्क ची आवश्यकता, उद्धिषटे, आणि पुढील वाटचाल यावर मार्गदर्शन केले. परिषदेत महाराष्ट्र लोकविकास मंचचे प्रतिनिधी तथा सि ए आर डी संस्था चे सचिव पुष्कराज तायडे, राष्ट्रीय बाल कामगार प्रकल्पचे माजी प्रकल्प संचालक मनोज देशमुख जालना, ओमप्रकाश गिरी, दिपक नागरगोजे, बाजीराव ढाकणे, संजीव भारती बीड, नीतेश बनसोडे, महेश सूर्यवंशी अहमदनगर, तुषार हांडे अकोला, अतुल मादावार, किशोर चौधरी यवतमाळ, हरिष फडके पुणे, महेश पवार, मुकुंद आदेवर यासह अनेक महत्वाचे कार्यकर्ते उपस्थित होते.