२०२४ मध्ये विनाशकारी भूकंप, अनेक शहरे होणार नष्ट

अमेरिकेसाठी नव्या नास्त्रेदमस यांची भविष्यवाणी

न्यूयॉर्क – नव्या नास्त्रेदमस यांनी अमेरिकेबाबत एक मोठी भविष्यवाणी केली असून, सध्या ती चर्चेचा विषय आहे. ‘न्यू (नवे) नास्त्रेदमस’ नावाने ओळखल्या जाणाऱ्या क्रेग हॅमिल्टन पार्कर यांनी अमेरिकेवर मोठ संकट येणार असल्याचे भाकीत केले आहे. पुढील वर्षी अमेरिकेत मोठा भूकंप किंवा नैसर्गिक आपत्ती येणार असल्याची भविष्यवाणी पार्कर यांनी केली आहे.

भविष्यात नैसर्गिक आपत्तीमुळे अमेरिकेतील अनेक शहरे नष्ट होतील, असे क्रेग हॅमिल्टन पार्कर यांनी म्हटले आहे. नैसर्गिक संकटामुळे अमेरिकेतील बहुतेक भागात ब्लॅक आऊट होईल. अनेक शहरांमध्ये अंधार होईल. मोठे नैसर्गिक संकट किंवा आपत्तीमुळे अनेक शहरांमधील वीज पुरवठ्याशी संबंधित पायाभूत सुविधा नष्ट होतील, परिणामी सर्वत्र ब्लॅक आऊट होईल. क्रेग हॅमिल्टन पार्कर यांना नवे नास्त्रेदमस नावाने ओळखले जाते. पार्कर यांनी त्यांच्या ‘कॉफी विद क्रेग’ या यूट्यूब चॅनलवर नवा व्हिडीओ अपलोड करत अमेरिकेबाबत धक्कादायक भविष्यवाणी केली आहे. यूट्यूब चॅनलवरील व्हिडीओमध्ये त्यांनी म्हटले आहे की, अमेरिकेत मोठा विध्वंस होणार आहे. अमेरिकेच्या कॅलिफोर्निया आणि टेक्सासमध्ये मोठा ब्लॅक आऊट होणार आहे. २०२४ मध्ये अमेरिकेत अनेक मोठे भूकंप होतील, असा दावा क्रेग यांनी भविष्यवाणीत केला आहे. यामुळे पश्चिम किनारपट्टीवर अनेक शहरे नष्ट होण्याची शक्यता त्यांनी वर्तवली आहे. क्रे ग यांनी म्हटले आहे की, मला दिसत आहे की, पश्चिम किनारपट्टीपर्यंत प्रचंड भूकंप आणि नैसर्गिक घटना घडतील, ज्यामुळे बरेच काही नष्ट होणार आहे. २०२४ मध्ये जे काही होईल ते हृदय पिळवटून टाकणारे असेल. नास्त्रेदमस हे फ्रान्सचे १६ व्या शतकातील भविष्यकार होते. नास्त्रेदमस यांच्या अनेक भविष्यवाण्या पूर्णपणे खऱ्या ठरल्या आहेत. रशियन युद्धाचे भाकीतही नास्त्रेदमस यांनी फार पूर्वीच केले होते आणि नैसर्गिक घटनांशी संबंधित अनेक भाकीतही खरी ठरली आहेत. दरम्यान, क्रेग हॅमिल्टन पार्कर हे नवे नास्त्रेदमस म्हणून प्रसिद्ध आहेत. त्यांनी त्यांच्या यूट्यूब चॅनेलवर विविध व्हिडीओ अपलोड करत वेगवेगळ्या भविष्यवाण्या केल्या आहेत. त्यांची ही भाकीत खरी ठरतात की नाही, हे चित्र येत्या काळातच स्पष्ट होईल.