हलक्या मोटार वाहनाचा (LMV) ड्रायव्हिंग लायसन्स धारण करणारी व्यक्ती आता 7500 किलो वजनाची हलकी वाहतूक करणारी वाहने चालवू शकते, असा महत्त्वपूर्ण निर्णय सर्वोच्च न्यायालयाने दिला आहे. हा निर्णय विमा कंपन्या आणि चालक या दोघांसाठीही मोठा दिलासा देणारी बातमी आहे. सरन्यायाधीश डीवाय चंद्रचूड यांच्या नेतृत्वाखालील पाच सदस्यीय घटनापीठाने हा निकाल दिला आहे.
एलएमव्ही परवानाधारक वाहतूक वाहने चालविण्यास पात्र आहेत की नाही याबद्दल विमा कंपन्यांनी दीर्घकाळ प्रश्न उपस्थित केले आहेत. दोघांनाही स्वतंत्र परवाने आवश्यक असल्याचा त्यांचा युक्तिवाद होता. या मुद्द्यावरून अनेक वाद झाले आणि कोर्टातही खटले झाले.
सर्वोच्च न्यायालयाने या प्रकरणावरील दीर्घ सुनावणीनंतर निर्णय दिला आहे की LMV परवानाधारक 7500 किलो वजनाची हलकी वाहतूक करणारी वाहने चालवू शकतात. या निर्णयामुळे विमा कंपन्या यापुढे अशा प्रकरणांमध्ये दावे नाकारू शकणार नाहीत. सरकारनेही या निर्णयाचे स्वागत केले आहे. केंद्र सरकार हिवाळी अधिवेशनात मोटार वाहन कायद्यात सुधारणा करून या निर्णयाला कायदेशीर स्वरूप देणार आहे.
या निर्णयानंतर वाहनचालकांना त्यांच्या वाहतूक वाहनासाठी वेगळा परवाना घेण्याची गरज भासणार नाही. विमा कंपन्यांना यापुढे वाद घालण्याची गरज भासणार नाही. या निर्णयामुळे वाहतूक नियमांमध्ये एकसूत्रता येणार आहे. हलकी वाहतूक करणारी वाहने चालवणाऱ्या सर्वांसाठी हा निर्णय महत्त्वाचा आहे.
About The Author
