जगभरात कृत्रिम बुद्धिमत्ता (एआय) झपाट्याने प्रगत होत असताना, जपानमधील एका ३२ वर्षीय महिलेने एआयद्वारे तयार केलेल्या जोडीदाराशी लग्न करून सर्वांचे लक्ष वेधून घेतले आहे. युरिना नोगुची असे या महिलेचे नाव असून, तिने चॅटजीपीटीच्या साहाय्याने स्वतःचा एआय पार्टनर तयार केला आहे.
युरिनाने आपल्या एआय जोडीदाराला ‘क्लाऊस’ असे नाव दिले आहे. क्लाऊससोबत सातत्याने संवाद साधताना, वेळ घालवताना त्याच्याबद्दल आपुलकी आणि प्रेमभावना निर्माण झाल्याचे युरिनाने सांगितले. याच भावनांतून तिने क्लाऊसशी विवाह करण्याचा निर्णय घेतला.
या लग्नाचा व्हिडिओ सध्या सोशल मीडियावर मोठ्या प्रमाणात व्हायरल होत असून, अनेक जण आश्चर्य व्यक्त करत आहेत. विशेष म्हणजे, ऑगमेंटेड रिअॅलिटी (AR) तंत्रज्ञानाचा वापर करत युरिनाने एआय पार्टनरला अंगठी घातल्याचेही समोर आले आहे.
“तो एआय आहे, याचा मला काहीही फरक पडत नाही. मला त्याच्याकडून भावनिक आधार मिळतो, हेच माझ्यासाठी सर्वात महत्त्वाचे आहे,” असे युरिनाने स्पष्ट केले. या घटनेमुळे एआय आणि मानवी भावनांमधील नातेसंबंधांवर नव्याने चर्चा सुरू झाली असून, भविष्यातील सामाजिक बदलांबाबतही प्रश्न उपस्थित होत आहेत.
About The Author
