मिथुन चक्रवर्ती यांना दादासाहेब फाळके पुरस्कार

मुंबई बॉलीवूडमधील ज्येष्ठ अभिनेते मिथुन चक्रवर्ती यांना भारतीय चित्रपटसृष्टीतील योगदानाबद्दल दादासाहेब फाळके पुरस्काराने सन्मानित करण्यात येणार आहे. 08 ऑक्टोबर 2024 रोजी 70 व्या राष्ट्रीय चित्रपट पुरस्कार सोहळ्यात मिथुन चक्रवर्ती यांना दादासाहेब फाळके पुरस्कार प्रदान केला जाईल. मिथुन चक्रवर्ती यांना दादासाहेब फाळके पुरस्कार देण्याची घोषणा केंद्रीय मंत्री अश्विनी वैष्णव यांनी केली आहे.

केंद्रीय मंत्री अश्विनी वैष्णव यांनी ट्विटरवर लिहिले की, मिथुन दा यांच्या सिनेमॅटिक प्रवासाने प्रत्येक पिढीला प्रेरणा दिली आहे. दादासाहेब फाळके निवड ज्युरीने मिथुन चक्रवर्ती यांना भारतीय चित्रपटसृष्टीतील महत्त्वपूर्ण योगदानाबद्दल सन्मानित करण्याचा निर्णय घेतला आहे हे जाहीर करताना मला सन्मान वाटतो. उल्लेखनीय आहे की 1976 साली प्रदर्शित झालेला मृगया हा अभिनेता मिथुन चक्रवर्तीच्या सिने करिअरमधील पहिला चित्रपट होता. या चित्रपटात त्यांनी मृगया या संथाली तरुणाची भूमिका साकारली होती जो ब्रिटीश सरकारकडून आपल्या पत्नीच्या लैंगिक शोषणाविरोधात आवाज उठवतो. या चित्रपटातील दमदार अभिनयासाठी त्यांना सर्वोत्कृष्ट अभिनेत्याचा राष्ट्रीय पुरस्कार मिळाला होता. कलाक्षेत्रातील विशेष योगदानाबद्दल मिथुन चक्रवर्ती यांना पद्मभूषण पुरस्काराने सन्मानित करण्यात आले आहे. मिथुन चक्रवर्ती यांनी त्यांच्या चित्रपट कारकिर्दीत 350 हून अधिक चित्रपटांमध्ये काम केले आहे. मिथुन चक्रवर्ती अजूनही उत्साहाने चित्रपटांमध्ये काम करत आहेत.