निष्क्रिय जीमेल खाती होणार बंद

गुगलकडून सावधानतेचा इशारा

सध्या मोठ्या संख्येने लोक जीमेल वापरतात. आज हे खाते सर्वात लोकप्रिय आहे, पण गुगल लवकरच जीमेल युजर्सना मोठा धक्का देणार आहे. गुगलने म्हटले आहे की ते १ डिसेंबर २०२३ पासून काही जीमेल वापरकर्त्यांची खाती बंद करणार आहेत. दोन वर्षांपासून निष्क्रिय असलेली खाती हटवण्याची योजना असल्याचे सांगण्यात येत आहे. तुमचे जीमेल खाते बंद झाल्यास, तुम्ही जीमेलसह लॉग इन करून तुमचा स्मार्टफोन वापरू शकणार नाही. गुगल कंपनी निष्क्रिय खात्यांशी संबंधित सर्व सामग्रीदेखील हटवेल ज्यामध्ये जीमेल, गुगल फोटो, ड्राइव्ह, डॉक्युमेंट्स आणि संपर्क फोन नंबर्स समाविष्ट आहेत. गुगलने मे महिन्यात सांगितले होते की जुनी किंवा निष्क्रिय खाती बंद होण्याची शक्यताच जास्त आहे. त्यामुळे हे सर्व टाळण्यासाठी कंपनी आपली निष्क्रिय खाते पॉलिसी अपडेट करणार आहे.

तुम्ही गेल्या दोन वर्षांपासून तुमचे गुगल खाते वापरत नसल्यास, ते त्वरित सक्रिय करा. असे न केल्यास तुम्हाला अनेक प्रकारच्या समस्यांना सामोरे जावे लागू शकते. अशा परिस्थितीत तुम्ही कंपनीच्या विविध सेवा वापरून जीमेल सक्रिय ठेवू शकता.

■ ईमेल वाचणे किंवा पाठवणे.

■ गुगल ड्राइव्ह वापरणे.

■ युट्युब व्हिडिओ पाहणे किंवा फोटो शेअर करणे.

■ प्ले स्टोअरवरून ॲप्स डाउनलोड

■ करणे किंवा गुगल सर्च वापरून काहीही शोधणे.