बॅटरीशिवाय चालणारी जगातील पहिली ई-बाईक फ्रेंच कंपनीने केली विकसित

पॅरिस : फ्रेंच कंपनी एसटीईई ने बॅटरीशिवाय चालणारी ई-बाईक विकसित केली आहे. उद्योजक अॅड्रियन लेलिव्हरे यांनी त्याची रचना केली आहे. लेलिव्रे यांनी असा युक्तिवाद केला की बॅटरीच्या निर्मितीमध्ये लिथियम आणि इतर दुर्मिळ पृथ्वी घटकांचा वापर होतो. तसेच, त्यांच्या उत्खननादरम्यान पर्यावरणाची हानी होते. त्यामुळेच कंपनीने लिथियम बॅटरीऐवजी सुपर कॅपॅसिटरवर चालणारी ई-बाईक बनवली आहे. लिथियम बॅटरी रासायनिक अभिक्रियांमधून ऊर्जा साठवतात, तर सुपरकॅपेसिटर बाइकच्या वापरातून ऊर्जा साठवतात. 20 किलो वजनाची ही बाईक 10 ते 15 वर्षे टिकते, तर लिथियम आयन बॅटरी असलेली बाईक पाच वर्षे टिकते.