श्रीलंकेने अवैध मासेमारीच्या आरोपाखाली १७ भारतीय मच्छिमारांना केली अटक

श्रीलंकेच्या नौदलाने 17 भारतीय मच्छिमारांना अटक केली असून त्यांच्या नौका जप्त केल्या आहेत. या वर्षात आतापर्यंत अशा प्रकरणांमध्ये अटक करण्यात आलेल्या भारतीय नागरिकांची संख्या ४१३ वर पोहोचली आहे, असे अधिकृत निवेदनात म्हटले आहे. या मच्छिमारांना रविवारी मन्नारच्या उत्तरेला अटक करण्यात आली.

श्रीलंकेच्या नौदलाने सांगितले की, पकडलेल्या मच्छिमारांना तलाईमन्नार घाटावर नेण्यात आले आणि पुढील कायदेशीर कारवाईसाठी मन्नार मत्स्यपालन निरीक्षकाकडे सोपवण्यात आले. निवेदनात म्हटले आहे की 2024 मध्ये आतापर्यंत 55 भारतीय नौका आणि 413 भारतीय मच्छिमार पकडले गेले आहेत. मच्छिमारांचा मुद्दा हा भारत आणि श्रीलंका यांच्यातील वादग्रस्त विषय आहे, ज्यामुळे अनेकदा दोन्ही देशांतील मच्छिमारांना अटक केली जाते.